నాగేటి సాల్లల్ల నా తెలంగాణా, నా తెలంగాణా,
నవ్వేటి బతుకులు నా తెలంగాణా, నా తెలంగాణా
| నాగేటి సాల్లల్ల… |
పారేటి నీల్లల్ల పానాదులల్ల
పూసేటి పూవుల్ల పూనాసలల్లా
| పారేటి…|
కొంగు సాపిననేల నా తెలంగాణా, నా తెలంగాణా
పాలుతాపిన తల్లి నా తెలంగాణా, నా తెలంగాణా
| నాగేటి సాల్లల్ల… |
తంగేడు పువ్వుల్లు తంబాలమంతా
తీరొక్క రంగుల్ల తీరిచ్చినా పువ్వు
| తంగేడు …|
తీరొక్క రంగుల్ల తీరిచ్చినా పువ్వు
బంగారు చీరలు బాజారులన్ని
|| బంగారు… ||
బతుకమ్మ పండుగ నా తెలంగాణా, నా తెలంగాణా
బంతి పూల తోట నా తెలంగాణా, నా తెలంగాణా
| నాగేటి సాల్లల్ల… |
వరద గూడు కడితె వానొచ్చునంటా
బురద పొలము దున్ని మురిసున్నరంతా
| వరద … |
శివుని గుల్లే నీల్లు చీమలకు శెక్కరి
వానకొరకు భజన జడకొప్పులేసి
|| వాన … ||
వాగుల్ల వంకల్ల నా తెలంగాణా, నా తెలంగాణా
సూపు రాలిన కండ్లు నా తెలంగాణా, నా తెలంగాణా
| నాగేటి సాల్లల్ల… |
కొత్త బట్టలు కట్టి కోటి ముచ్చట్లు
పాలపిట్టలజూసి పడుసుసప్పట్లు
| కొత్త … |
పాలపిట్టలజూసి పడుసుసప్పట్లు
జొన్నకర్రల జండ జోరున్నదేమి
||జొన్న … ||
అలై బాలై తీసె నా తెలంగాణా, నా తెలంగాణా
జమ్మి పంచిన ఆర్తి నా తెలంగాణా, నా తెలంగాణా
| నాగేటి సాల్లల్ల… |
మోటగొట్టే రాత్రి మోగిన పాట
తాడుబేనిన తండ్రి తలుపులున్నప్పు
| మోట … |
తాడుబేనిన తండ్రి తలుపులున్నప్పు
కల్ల ముడిసిన అవ్వ కలలోని గింజా
|| కల్ల … ||
ఆరుగాలం చెమట నా తెలంగాణా, నా తెలంగాణా
ఆకలి దప్పుల మంట నా తెలంగాణా , నా తెలంగాణా
| నాగేటి సాల్లల్ల… |
ఊరుగాచే తల్లి ఉరిమీజూడంగా
బువ్వలేని తల్లి బోనమొండిందీ
| ఊరుగాచే … |
బువ్వలేని తల్లి బోనమొండిందీ
సేనుకొచ్చిన పురుగు సెరిగిపోసిందా
|| సేను … ||
బోనాల పండుగ నా తెలంగాణా, నా తెలంగాణా
కాట్రావుల ఆట నా తెలంగాణా , నా తెలంగాణా
| నాగేటి సాల్లల్ల… |
దట్టి గట్టిన రోజు డప్పు సప్పుల్లు
పీరీల గుండంల పిలగాండ్ల ఆట
| దట్టి … |
పీరీల గుండంల పిలగాండ్ల ఆట
కుడుక పేర్లమొక్కు కూలి బత్కుల్లు
|| కుడుక … ||
ఆలువాడిన పాట నా తెలంగాణా, నా తెలంగాణా
ఆత్మ గల్లా చెయ్యి నా తెలంగాణా , నా తెలంగాణా
| నాగేటి సాల్లల్ల… |
కలిసేటి సేతుల్ల కన్నీటి పాట
సిందోల్లసిందుల్ల సిగురించే నాట్యం
| కలిసేటి … |
సిందోల్లసిందుల్ల సిగురించే నాట్యం
ఒగ్గు మద్దెల డప్పు వాద్య సంగీతం
|| ఒగ్గు … ||
కళలకే పుట్టుక నా తెలంగాణా, నా తెలంగాణా
పాటగాచిన పట్టు నా తెలంగాణా , నా తెలంగాణా
| నాగేటి సాల్లల్ల… |
తాడుబేనిన బతుకుతండ్లాటసూడు
మంటలేని కొలిమి బతుకుల్ల మంట
| తాడు … |
మంటలేని కొలిమి బతుకుల్ల మంట
నీళ్ళులేని చెరువు నినుజూసి నవ్వే
|| నీళ్ళు … ||
బతికిసెడ్డాబిడ్డ నా తెలంగాణా, నా తెలంగాణా
తల్లడిల్లే తల్లి నా తెలంగాణా , నా తెలంగాణా
| నాగేటి సాల్లల్ల… |
బురుజుగోడల పొగరు మెడలు వంచంగా
పుట్లల్ల సెట్లల్ల గోగుపువ్వుల్లూ
| బురుజు … |
సద్దిమోసిన తల్లీ సావుబతుకులు
పానమిచ్చిన వీరకథలు పాడంగా
|| పాన … ||
గోరుకొయ్యల పొద్దు నా తెలంగాణా, నా తెలంగాణా
గోరింకలా సభలు నా తెలంగాణా , నా తెలంగాణా
|| నాగేటి సాల్లల్ల… ||
(ఈ పాటను మీరు ఇక్కడ ఇక్కడ వినవచ్చు …)
“నాగేటి సాల్లల్ల నా తెలంగాణా” పై ఒక అభిప్రాయం
మన తెలంగాణ ... జన తెలంగాణ 
ఎవలొవలు ఎమనుకుంటాడ్రు